Deputeti shqiptar në Kuvendin e Serbisë, Shaip Kamberi ka reaguar pas përleshjes mes pozitës dhe opozitës sot në Kuvendin e Serbisë.

Me anë të një postimi në Facebook, Kamberi tha se moton “I keni duart e përgjakura” të cilën po e shfrytëzon opozita në betejën e sajë për të vendosur drejtësi për viktimat që tragjikisht humbën jetën në Novi Sad, më së miri përshkruan qeverisjen aktuale të Serbisë, shkruan Arbresh.info.

“I keni duart e përgjakura” ishte moto të cilën sot, në nderim të viktimave të tragjedisë së Novi Sadit, e në betejën për drejtësi e për zbulim të vërtetës, përdori opozita e cila edhe e ndaloi punën e Seancës së sotme të Parlamentit Republikan.”, ka shkruar ai.

Kamberi theksoi se kjo moto më së miri përshkruan qeverisjen aktuale të Serbisë.

Ai tha se ky gjak është në duart e tyre që nga vitet e 90-ta.

“Në sallë pati edhe konflikt fizik në mes të deputetëve të shumicës dhe atyre të opozitës.Duart e përgjakura, moto të cilën po e shfrytëzon opozita në betejën e sajë për të vendosur drejtësi për viktimat që tragjikisht humbën jetën në Novi Sad, më së miri përshkruan qeverisjen aktuale të Serbisë. Duart e tyre janë plot gjakë. Jo vetëm sot. Gjaku në duart e tyre është nga vitet e ‘90.”, ka shkruar mes të tjerash ai./Arbresh.info/